واقي شمس من افين

السلام عليكم

 

 

 

طبعا جا الصيف وكثرت طلعاتنا في الصيف

 

بس مشكله شمس الصيف حارة جدا وتحرق الجلد, اذكر زمان وانا صغيرة كنت احب الشمس العب تحت الشمس الين مااخذ اللون

 

البرونزي الجميل وافرح جدا باللون و يجلس اسبوعين تقريبا وبعدها يقلب على احمر ويتقشر ويروح

 

بس دحين مااحب الشمس ابدا واحاول اتجنبها ودائما اجرب واقيات شمس منها المناسب ومنها الغير مناسب

 

جربت وجربت وجربت

 

إلين ماوقع اختياري على واقي شمس من شركة افين 40 SPF

 

 

 

حمايته عاليه في درجات حمايه اكثر بس انا ناسبني هاذا

 

اتعب وانا اقول جميل جميل جميل

 

 بشرتي جافة وناسبني (مناسب لجميع انواع البشرة)

 

ماتحسي طبقة  دهنيه مزعجة على وجهك مايدبق ولا يلصق سريع الإمتصاص

 

مايلمع مع التصوير طبعا اكيد ماتتصوري وانتي حاطة واقي شمس بس لو تبغي مايعكس مع التصوير او الفلاش (غير مرئي)

 

كأنك بتحطي كريم مرطب أحيان لما اكون مستعجله انسى ارطب وجهي فأحطه على طول ويجلس معايا طول اليوم (مع اهميه الإعادة عليه كل ساعتين)

 

 

اعطيه

10/10

سعرة

20 دولار



سلسلة الطبخات السريعة والصحية (2) البانكيك

السلام عليكم


 

اليوم قمت في الصباح  مشتهيه افطر شي حلو وفي نفس الوقت ماكنت ابغى  سيريال فقلت ليش مااسوي بانكيك صحي؟
 

راح تقولي مافي بانكيك صحي!
 

 

كله خليط بانكيك ومويه و انتهينا
 

جربي البانكيك بطريقتي وراح يعجبك
 

استخدمت خليط البانكيك من السوبر ماركت
 

زي هاذا

طبعا  المفروض انك تحطي عليه نص كاس مويه على كاس من الخليط , بس انا استبدلت المويه بالحليب

عشان احصل على  حاجتي اليوميه من الكالسيوم  وفي نفس الوقت ابغى اكل شي صحي

استبدلت شيرة البانكيك بعسل طبيعي مافرق ابدا معايا بالطعم بالعكس حسيت اطعم وجا على مزاجي

زينته بــ بلو بيري وقطعه صغيرة زبده

وهادا الشكل النهائي

وصفه سريعة وصحية ولذيذة بنفس الوقت

بالعافية

 

نزلت  اول وصفاتي الصحية والسريعة اللي ماشافها يضغط عالرابط تحت

 

وصفة كيكة الموز 

 

هنا

 

مرطب هيدرانس اوبتمال من "افين"

 

السلام عليكم

اول شي...

 

شركة افين شركة فرنسية منتجاتها تناسب البشرة الحساسة أكثر شي يعني لو بشرتك من النوع االلي يتحسس من اي شي

اضمن لك هاذي المنتجات تنفع لك لأنها ماتسبب حساسية او هيجان لبشرتك

 

 

اليوم راح اتكلم عن منتجين من شركة افين

 

_مياه الينابيع الحرارية  او مياه افين الحرارية

_ مرطب هيدرانس اوبتمال

 

 

مياه افين الحرارية

كيف تتكون و ليش نستخدمها على بشرتها؟

تتكون من مياه الأمطار يعني يستخرجوها من مياه الأمطار اللي اتكونت من الآف السنين تكون مرت بالجبال وصارت معدنية واترسبت في باطن الأرض  في خلال مرورها بالجبال تكون اتكونت فيها عناصر معدنية مناسبة للبشرة

إستخداماتها:

_بعد الحلاقة

_ لرشح الحفاض

_ بعد إزالة المكياج

_بعد العمليات الجراحيه

_ اثناء السفر

_بعد التمارين الرياضية

_لإحمرار الوجه

_بعد إزالة شعر الجسم ( الساقين واليدين)

_لحروق الشمس

 

تستخم ايضا بعد الميك اب (تونر)وهذا استخدامي لها او اذا كنت بالمطبخ وابغى انعش بشرتي ابخ منها

 

 

عاليمين " كريم  هيدرانس اوبتمال "

مرطب غني كريمي سلس يمتزج مع بشرتك على طول  يتكون من 58% من مياه افين الحرارية

غني بزبدة الشيا

  ممتاز للبشرة الجافة الى شديدة الجفاف والحساسة ايضا

حاصل على براعه اختراع للحفاظ على ترطيب البشرة

مشبع بمياه الينابيع الحرارية لتهدئة البشرة الحساسة

يقلل من مظهر الخطوط الدقيقة  الناتجة عن الجفاف

يجعل البشرة اكثر مرونة وليونة واشراق

تقدري تستخدميه صباحا قبل وضع الميك اب اوفي الليل بعد ازالته

 

سعره:

تقريبا بـــــ 39 دولار

 

 

ريفيو "بودرة كلينيك ، استي لودر"

السلام عليكم ..

موضوع اليوم ريفيو عن نوعين بودرة من ماركتين مختلفة اخترت ماركة " كلينيك و استي لودر"

Clinique

باليمين بودرة  Almost powder make up 

جميلة تعطي لوك طبيعي وفريش يعني ماكأنك حاطة شي على وجهك تغطيتها متوسطة صباحية تحتوي على اس بي اف ١٥ تناسب جميع أنواع البشرة مع أهمية الترطيب قبلها مهما كان نوع بشرتك

 ثباتها متوسط من ٣ ساعات الى خمس ساعات بالكثير

تناسب البشرة الحساسة خالية من الزيوت والعطور تتوفر بست درجات تقريبا اختاري ما يناسبك 

سعرها

٣٠ دولار

Estée Lauder   

باليسار بودرة Double wear stay- in  

 جميلة تعطي لوك مات وطبيعي من غير تكلف  بس خفيفة جداً تناسب البشرة اللي بدون عيوب  بيرفكت للطلعات الصباحية فيها اس بي اف ١٠ خالية من الزيوت والعطور  درجاتها كثيرة اكثر من عشرين درجة يعني ماراح تحتاري  لما تشتري

اكيد راح تلاقي درجتك  

كاتبين انه ثباتها ٨ ساعات بس انا أشوف حدها ٣ إلى ٤ ساعات 

سعرها 

٤٢ دولار

🌷

ماسك التوت الأسود

السلام عليكم

اليوم جبت لكم شي شي مررة حلو اذا كنتي تحبي ماسكات البشرة, منتج اليوم ماسك التوت الأسود من باث اند بوي ووركس

هادي صورتو

ماسك غني بالتوت الأسود وزيت شجرة الشاي , طبعا التوت معروف بفوائده االبشرة غني بمضادات الأكسدة  اللي تقاوم علامات تقدم السن للبشرة  راح  يعطيكي احساس فوري بالنعومة  بمجدر ماتشيلي الماسك من وجهك تحسي وجهك اشرق من جديد.

يناسب البشرة الدهنية أكثر شئ بس هذا مايمنع لو كانت  بشرتك جافة تستخدميه بس اختاري مرطب ثقيل بعده

الماسك عبارة عن بيل اوف يعني تحطيه في وجهك اليييين ماينشف تماما بعدين شيلي جزء منو راح يطلع الباقي زي المطاط رطبي وجهك بعدها ضروري واستمتعي.